البدايه

بعد تشجيع من مس شانيل قررت انه تكون عندي مدونه خاصه فيه، و اكتب فيها يومياتي مع الدايت

أنا طول حياتي في دايت(ما احب كلمة رجيم فاستبدلتها بدايت)، بدت مشكلتي مع الوزن الزايد من يوم كان عمري 12 سنه، و اكبر وزن وصلته هوه 108 و أقل وزن هوه 79 ، بس للأسف حاليا وزني تقريبا 90 ، مشكلتي اني احب الاكل ، صدقوني ما خليت شي ما جربته، بقوللكم عن محاولاتي الفاشله:

1- نظام دكتور نيوترشن ( نظام كيميائي)

2- نظام دكتور الشمري ( نظام كيميائي)

3- نظام مركز الوزن المثالي( نظام كيميائي)

4- الابر الصينيه

5- الأعشاب المنحفه

6- بدائل الوجبات من سليم فاست

7- نظام غذائي مع دكتوره لينا ( ما عجبني نظامها ابد)

8- نظام غذائي مع رنا قدرقحي (نظامها ممل)

9- اللزقه اللي تخفف الشهيه

10- حبوب Reductil

11- حبوب الألياف اللي تنتفخ فالمعده و يحس الواحد بالشبع

12- دكتور عبدالعال ( الين الحينه يوم اتذكر الاعشاب اللي كنت اخذها من عنده، اتيني لوعه)


فالنهايه ، تعرفت على احسن اخصائيه تغذيه، اسمها غنى ، و تعلمت منها انه موب بالضروره النظام الغذائي يكون ممل، و تعلمت الثقافه الغذائيه على ايدها، و معاها نزل وزني و وصلت الين 79 ، بس للاسف بعدين رديت لكل عاداتي السيئه و رد وزني ببطء، أنا الحينه ناويه ابدا بدايه يديده مع نفسي، ناويه ألتزم بنظام غائي صحي و بالرياضه،و باذن الله بوصل للهدف اللي حاطتنه في بالي.







ليست هناك أية مشاركات.
ليست هناك أية مشاركات.